ZER EGIN DEZAKET TALDE LANA BULTZATZEKO?
Historikoki
ikastetxeak eta hezkuntza metodoak modu indibidualean antolatuak izan dira. Hau
da, pertsona bakoitzak bere lanari ekin behar izan dio besteari erreparatu ere
egin gabe. Urteen esperientziak aldiz erakutsi du talde lanean aritzeak
oinarrizko gaitasunak garatzen laguntzen duela eta ikasketen kalitatea hobetzen
duela baina, irakasleek, zailtasunak ditugu talde lan hauek bideratzeko eta,
beraz, ikasleei ez die erakutsi modu kooperatiboan lan egiten. 
Lan indibiduala mantenduz kooperazio lanetara salto
egitea ezinbesteko erronka da gaurko hezkuntza sistemarentzako. Horretarako
beharrezkoa da irakasleek egitura eta metodologia kooperatiboetan aditu egitea.
Irakasleek ikasgelak egitura kooperatiboetan antolatzeko beharra dute.
Ikasgelak modu kooperatiboan antolatzeak bertako kide
guztiak bere ezaugarri propioekin onartzea dakar. Ikasleen artean perfil
ezberdinak aurkituko dira eta horiek guztiak batera lan egitera bideratu behar
dira. Horretarako lan talde txiki heterogeneoak antolatu beharko dituzte.
Irakasgai bakoitzeko materiak aurrera eramateko
metodologia erabat aldatzea eskatzen du kooperazioak. Klase magistralak
alboratu eta elkarlana oinarri izango dituen metodoak aplikatu beharko dira.
Horretarako kooperazio estrategiak ezagutu eta aplikatuko dira.
Metodo hauen bitartez ikasleek ezinbestez elkarren
beharra izango dute ikasgaiko helburu bakoitza lortzeko. Helburu horiek
gauzatzeko kide bakoitzak izango dituen gaitasun ezberdinak beharko dituzte,
besteak beste: talde lanean aritzeko gaitasuna, gaitasun intelektuala,
komunikazio gaitasuna, bilaketak egiteko gaitasuna, idazteko gaitasuna,
ulermenerako gaitasuna, gaitasun linguistikoa… Aniztasun horietaz gain talde
lanak elkarren arteko harremanak sendotzea, elkarri entzuten jakitea, enpatia
lantzea, eztabaidak burutzen jakitea… ekarriko die.
Baina prozesu honetan zein da irakaslearen egin beharra?
Irakasleak talde lanak burutzeko taldeak osatu beharko ditu ikasleen perfil
ezberdinak identifikatuz eta beraien elkarlana bermatuz. Bestalde, ikasleen
ikaskuntza prozesu guztian gidari lanak egin beharko ditu edota laguntzaile
izan beharko da eta metodo ezberdinak planteatu beharko ditu elkar lan horiek
burutzeko.
Ikasgelako lanaz gain ezinbestez beste irakasleekin
beraien ikasgeletan egiten duena eta detektatzen dituen arazo eta hobekuntzak
konpartitu beharko ditu. Irakasleen arteko elkarlana ezinbesteko izango da
ikasleen ikaskuntza prozesua modu kooperatiboan bideratua izan nahi baldin
bada.
